ქირავდება 4 ოთახიანი ბინა ვაკეში ID-9959302

აღწერა

ბინა მდებარეობს ვაკეში ახალაშენებულ საცხოვრებელ სახლში, საცხოვრებელ სახლზე დიდი მოთხოვნაა საერთაშორისო კომპანიებისა და დიპლომატების მხრიდან მისი ადგილმდებარეობის, მომსახურების, უსაფრთხოების, გამართული ინფრასტრუქტურისა და გაშილი ხედების გამო. საცხოვრებელი სახლი გამზირიდან შეწეულია, რაც სახლს სიმყუდროვეს ანიჭებს. სახლს აქვს დიდი წინა და უკანა ეზო საბავშვო მოედნით – დაცული და შემოსაზღვრული ტერიტორია, სადაც შესვლა შესაძლებელია მხოლოდ შლაგბაუმით და ცოცხალი დაცვის კონტროლის გავლით. საცხოვრებელ სახლს ემსახურება 24/7 კონსიერჟი, დაცვა, დალაგება-დასუფთავება, ტექნიკური მოვლა-პატრონობა, ლიფტების მომსახურება. სხვა სახლებიდან განსხვავებით სადარბაზოს აქვს 2 ლიფტი, რომლებიც საჭიროების შემთხვევაში მუშაობს გენერატორზეც. სადარბაზო არის ახალგარემონტებული, ავეჯით მოწყობილი და დეკორაციითა და მრავალწლიანი მცენარეებით გალამაზებული. ადგილმდებარეობა, საერთო ფართების დიზაინი და მოპირკეთება, აგრეთვე ჩამოთვილი სერვისები საცხოვრებელ სახლს დამქირავებლებისთვის განსაკუთრებულ მნიშვნელობას ანიჭებს. ბინა მეთორმეტე სართულზეა, საერთო ფართია 180 კვ.მ. ბინას ოპტიმალური გეგმარება აქვს: მოზრდილი ჰოლიდან იხსნება დიდი ოთახი, სადაც გამოყოფილია სასადილო ზონა და მოსასვენებელი-ტელევიზორის ზონა ბუხრით. სასადილო სივრცე გასაშლელი მაგიდით თავისუფლად ემსახურება 18 სტუმარს. ტელევიზორის სივრცე 3 დიდი დივნით 12 ადამიანზეა გათვლილი. სამზარეულოს აქვს ცალკე შესასვლელი ჰოლიდან, თუმცა, ასევე აქვს წვდომა სასადილო სივრცესთან კედელში ჩამონტაჟებული გასაგორებელი კარით, რაც სუფრის მომსახურებას აადვილებს. დიდი ოთახიდან გავდივართ აივანზე, სადაც ასევე გადის სამზარეულოს ფანჯარა და საიდანაც იშლება სივრცული ხედი ზოოპარკის გამწვანებულ ტერიტორიაზე და ქალაქაზე. სამზარეულოს დაახლოებით 20 კვმ-ის ფართობი განაწილებულია მოსამზადებელ და სასადილო სივრცეებად, რომელიც ერთმანეთისგან გამოყოფილია კუნძულით. სამზარეულოს სასადილო მაგიდა 8 ადამიანს ემსახურება. ბინაში არის ერთი “მასტერბედრუმი”, 2 ოთახი, საიდანაც ერთი საძინებელად არის მოწყობილი, ხოლო მეორე კაბინეტად, ერთი აბაზანა და ერთი სასტუმრო ტუალეტი. “მასტერბედრუმს” აქვს თავისი სველი წერტილი ჩასაწოლი აბაზანით, ხოლო მეორე საძინებლის აბაზანაში დამონტაჟებულია საშხაპე. ამავე აბაზანაში ნიშით გამოყოფილია სამრეცხაო სივრცე სარეცხის მანქანითა და საშრობით. დამქირავებლის სურვილის შემთხვევაში კაბინეტის საძინებლად მოწყობა შესაძლებელია. სამივე ოთახი გადის ვიწრო აივანზე, საიდანაც იშლება გახსნილი ხედი ზემო ვაკის გამწვანებულ მაღლობზე. ბინა გარემონტებულია დიზაინერის მიერ ხარისხიანი მასალებით “ახალ ამერიკულ” სტილში – თეთრი ფერის მოლდინგებითა და კედლის პანელებით, კედლის მონაცრისფრო ტონებით, მასიური ხის პარკეტით, შეღებილი მდფ-ის თეთრი სადა კლასიკური კარებებითა და ჩამონტაჟებული კარადებით, თავისებურ აქცენტებს ქმნის ამერიკელი დიზაინერის განათებები თბილი ტონის აბაჟურებით, ვინტაჟური რადიატორები და ასევე ვინტაჟური ხის ელექტრო ჩამრთველები. სამზარეულო სრულად აღჭურვილია თანამედროვე ტექნიკით, ორკამერიანი მაცივრით, გაზქურით, გრილით, მიკროტალღურით, ჭურჭლის სარეცხი მანქანით, ყველა ოთახში კონდიციონერით. ბინაში რჩება ხის და რბილი ავეჯი, ძველებური ბუფეტი, დეკორაციები და ტექნიკა. ყოველთვიური გადასახადი $3000+კომუნალური, პირველი და ბოლო თვის გადახსდით