BATUMI CONCEPT - PR941527

BATUMI CONCEPT წარმოადგენს პრემიუმ კლასის საკლუბო ტიპის საცხოვრებელ კომპლექსს, რომელიც ბათუმის ისტორიულ და კულტურულ ცენტრში, ვაჟა-ფშაველას ქუჩაზე მდებარეობს. პროექტის დეველოპერია BATUMI CONCEPT, რომლის გუნდსაც უძრავი ქონების ბაზარზე 25-წლიანი გამოცდილება აქვს. კომპანიის პორტფოლიო მოიცავს ისეთ მასშტაბურ და სიმბოლურ პროექტებს, როგორებიცაა Batumi Piazza, Hilton Hotel და სხვა ცნობილი ობიექტები. პროექტი ჰარმონიულად აერთიანებს თანამედროვე არქიტექტურას, ენერგოეფექტურ ტექნოლოგიებსა და ძველი ბათუმის უნიკალურ კოლორიტს. შენობის ფასადი მოპირკეთებულია ბუნებრივი ქვითა და ბრონზის ელემენტებით, რაც მას დახვეწილ და ელეგანტურ იერსახეს ანიჭებს. მაცხოვრებლების განკარგულებაშია მწვანე სარეკრეაციო ზონა და სპორტული სივრცე შენობის სახურავზე განთავსებულ ტერასაზე. უსაფრთხოებას უზრუნველყოფს 24-საათიანი ვიდეომონიტორინგი, ხოლო შენობის მოვლა-პატრონობაზე სპეციალიზებული მართვის კომპანია იზრუნებს. კომპლექსი აღჭურვილია ფინური ბრენდის სწრაფი და უხმაურო ლიფტით ჰაერის გასუფთავების სისტემით. ბინებში დამონტაჟებულია ალუმინის პროფილის ენერგოეფექტური მინა-პაკეტები და მაღალი ხარისხის ხმის იზოლაცია. შენობის მიწისქვეშა პარკინგი აღჭურვილია ელექტრომობილების დამტენი სადგურებითა და ველოსიპედების სადგომებით. პროექტის მშენებლობა სრულდება 2026 წლის 1 ოქტომბერს. კომპლექსიდან რამდენიმე ნაბიჯშია ბათუმის ბულვარი, შავი ზღვის სანაპირო და ცენტრალური პარკი. ფეხით სავალ მანძილზე მდებარეობს ევროპის მოედანი, დრამატული თეატრი, ხელოვნების მუზეუმი და საკათედრო ტაძარი. გარშემო განთავსებულია ქალაქის საუკეთესო რესტორნები, კაფეები, ცენტრალური ბიბლიოთეკა და სხვადასხვა კულტურული ობიექტები.