ბაგებში, ნუშის ბაღების პრესტიჟულ და დაცულ საცხოვრებელ კომპლექს Sunsity-ში, ქირავდება 300 მ² ფართობის, სამსართულიანი, ახალგარემონტებული კერძო სახლი, რომელიც თანამედროვე არქიტექტურას, დახვეწილ დიზაინსა და კომფორტულ საცხოვრებელ გარემოს აერთიანებს.
13 000 მ²-ზე განთავსებული კომპლექსი მოიცავს პრემიუმ კლასის 41 კერძო სახლს, შემოსაზღვრულია დაცული გალავნით და გამოირჩევა მშვიდი, გამწვანებული გარემოთი. საცხოვრებელი სივრცეებიდან და ფართო ვერანდიდან იშლება თბილისის ულამაზესი პანორამული ხედი.
სახლი მოიცავს 5 ოთახს, მათ შორის 3 საძინებელს, რომელთაგან ერთი მასტერ-საძინებელია, და 3 სველ წერტილს. ყველა საძინებელს აქვს საკუთარი აივანი, ორადგილიანი საწოლი და გარდერობისთვის განკუთვნილი სივრცე.
ინტერიერი სრულად მოწყობილია მაღალი ხარისხის ავეჯითა და ტექნიკით. სახლი აღჭურვილია ცენტრალური გათბობისა და გაგრილების სისტემით, იატაკქვეშა გათბობით, კონდიცირებით, ინტერნეტითა და ტელევიზიით. დამატებით, განთავსებულია დიდი სათავსო სარდაფში და დისტანციური მართვის ავტოფარეხი.